У Вікіпедыі ёсць артыкулы пра іншых асоб з прозвішчам Зайкоўскі. Эдвард (Эдуард) Міхайлавіч Зайкоўскі (18 лістапада 1952, в. Дубашы, Валожынскі раён, Мінская вобласць) — беларускі археолаг. Кандыдат гістарычных навук (1985).
Скончыў БДУ (1975). З 1980 г. працуе ў Інстытуце гісторыі НАНБ. Удзельнічаў у маладзёжным грамадскім аб’яднанні «Беларуская Майстроўня» (1979—1984).
Даследуе помнікі неаліту і бронзавага веку, язычніцкія вераванні і першабытнае мастацтва на тэрыторыі Беларусі.
Аўтар навукова-папулярных прац па пытаннях старажытнага мастацтва, у т.л. «Першабытныя помнікі Паўночнай Беларусі» (1990), кнігі «Старажытная беларуская кухня» (у сааўтарстве, 1995), шэрагу артыкулаў.