Шырван (азерб.: Şirvan) — горад у Азербайджане на Шырванскай раўніне, прыстань на рацэ Кура. Да 2008 года называўся Алі-Байрамлы ў гонар азербайджанскага рэвалюцыянера Алі Байрамава.
Населены пункт паўстаў у XIX стагоддзі як сяло рускіх перасяленцаў Зубаўка, названае ў гонар генерала Валяр’яна Зубава. Мясцовая назва была Карачухар (азерб. чорная ўпадзіна).
Быў перайменаваны ў Алі-Байрамлы ў гонар азербайджанскага рэвалюцыянера Алі Байрамава. У 1954 годзе пасёлак Алі-Байрамлы атрымаў статус горада. У 2008 годзе горад быў перайменаваны ў Шырван.