Шчэ́лбінская канава, Шчэ́лбінскі канал — меліярацыйны канал у Хойніцкім і Брагінскім раёнах Гомельскай вобласці, правы прыток ракі Брагінка.
Даўжыня канала 38 км. Пачынаецца ў Хойніцкім раёне за 6,1 км у напрамку на паўночны ўсход ад вёскі Ізбынь, упадае ў Верхнюю Брагінку за 2,3 км у напрамку на паўночны ўсход ад вёскі Сялец Брагінскага раёна. Вадазбор у лясістых і балоцістых масівах у межах Гомельскага Палесся. Прымае сцёк з каналаў меліярацыйнай сеткі. Асноўны прыток — Вялікі канал.