Шабля — халодная зброя, якая складаецца з выгнутага металічнага клінка з лязом на выпуклым боку і рукаяці.
Шаблі з’явіліся ў VII ст. ў цюрак. У VIII ст. распаўсюдзіліся на Далёкім Усходзе, у X ст. з’явіліся на Русі, у XI—XII стст. — у ісламскіх краінах, у XIII ст. трапілі ў Індыю, у XV—XVI стст. — у Заходнюю Еўропу.
Ужываліся пераважна ў кавалерыі, радзей — у пяхоце. Баявое значэнне захоўвалі да XX стагоддзя.