У Вікіпедыі ёсць артыкулы пра іншых асоб з прозвішчам Далеўскі. Цітус Далеўскі (1 (13) мая 1840, фальв. Кункулка Лідскага пав., месца фальварка не лакалізавана — 30 снежня 1863 (11 студзеня 1864), Вільня) — адзін з удзельнікаў Паўстання 1863—1864.
Нарадзіўся ў сям’і дробнага шляхціча Дамініка Далеўскага. Вучыўся ў Віленскай гімназіі, дзе сябраваў з Ф. Багушэвічам[2]. Удзельнічаў у рэвалюцыйным студэнцкім руху ў Маскве і Пецярбургу, дзе тым часам вучыўся ва ўніверсітэтах. Адзін з паплечнікаў К. Каліноўскага напярэдадні паўстання, з лета 1863 г. у кіраўніцтве паўстаннем. Быў прызначаны Каліноўскім на пасаду паўстанцкага начальніка Вільні. Арыштаваны ў снежні 1863 г., расстраляны ў Вільні на Лукішскай плошчы.