Цітмар Мерзебургскі (лац.: Thietmar von Merseburg; 25 ліпеня 975 — 1 снежня 1018) — нямецкі храніст, епіскап Мерзебургскі (з 1009 г.). Сын саксонскага графа Зігфрыда фон Вальбека, сваяк імператараў «Свяшчэннай Рымскай імперыі» з Саксонскай дынастыі. Хроніка Цітмара (на лацінскай мове) ахоплівае перыяд ад праўлення імператара Генрыха I Птушкалова (912—936 гг.) да 1018 г. — важная гістарычная крыніца, асабліва п гісторыі нямецка-славянскіх адносін. У хроніке ўтрымліваюцца звесткі і па гісторыі Русі, руска-польскіх і руска-польска-печынежскіх адносінах. Найбольш каштоўныя звесткі ўяўляюць 2-я палова 6-й, 7-я і 8-я кнігі, дзе выкладаюцца падзеі, сучаснікам і нават відавочцам ці ўдзельнікам якіх ён быў. Цітмар — прыхільнік моцнай імператарскай (каралеўскай) улады, апалагет заваёўніцкай палітыкі ў адносінах да славянскіх народаў.
На замежных мовах