Цэнтр Астрагорскага, раней вядомы як Цэнтр пераходных даследаванняў — прыватны некамерцыйны аналітычны цэнтр, які праводзіць даследаванні і арганізуе дыскусіі на тэму палітычных і эканамічных пераўтварэнняў у Беларусі і краінах былога СССР. Аналітыкі Цэнтра Астрагорскага часта выступаюць каментатарамі беларускіх падзей у беларускіх і замежных СМІ.
Цэнтр Астрагорскага заснаваны ў 2011 годзе і зарэгістраваны ў Вялікабрытаніі. Аналітыкі цэнтру працуюць у Мінску, Лондане, Берліне, Вашынгтоне і Варшаве. Цэнтр Астрагорскага не афіліяваны з палітычнымі арганізацыямі, яго праекты у розны час падтрывлівалі урад Нарвегіі, USAID, Mott Foundation, і іншыя донары, а таксама прыватныя ахвярадаўцы. У 2015 годзе у рэйтынгу беларускіх аналітычных інстытутаў Цэнтр Астрагорскага заняў сёмае месца агулам і другое месца па інфармацыйным ахопу[1].
У 2014 годзе[2] Цэнтр атрымаў імя Майсея Астрагорскага — беларускага палітолага, палітыка і гісторыка, які зрабіў значны ўнёсак у вывучэнне прававых і палітычных сістэм пераходнага перыяду ад аўтакратыі да дэмакратыі.