У паняцця ёсць і іншыя значэнні, гл. Цнянка.
Цнянскае вадасховішча — наліўное вадасховішча на поўначы Мінска, каля былой вёскі Цна-Ёдкава, галаўное збудаванне Сляпянскай воднай сістэмы, якая ўваходзіць у склад Вілейска-Мінскай воднай сістэмы.
Пабудавана ў 1982 г. Вада паступае з вадасховішча Дразды. Катлавіна — натуральная ўпадзіна. Плошча — 0,87 кв. км, даўжыня — 1,5 км, найбольшая шырыня — 1,4 км, найбольшая глыбіня — 7,5 м, сярэдняя — 2,4 м. Існуе адгалінаванне (канал) у бок жылога раёна па вул. Мірашнічэнкі.
Першапачаткова прызначалася для гаспадарча-пітнога і тэхнічнага водазабеспячэння горада. У апошні час вакол вадасховішча створана зона адпачынку.
Артыкулу нестае спасылак на крыніцы. Змест мусіць быць правяральным або яго могуць выдаліць. Вы можаце адрэдагаваць артыкул, дадаць спасылкі на аўтарытэтныя крыніцы. Шаблон пастаўлены 23 чэрвеня 2022 года. |