Цмокі-Мінск
«Цмокі-Мінск» — прафесійны баскетбольны клуб з Мінска, аб’ядноўвае тры прафесійныя баскетбольныя каманды (дзве мужчынскія і жаночую).
Назва
Згодна з паданнем, Мінск быў заснаваны волатам-асілкам, чарадзеем млынаром, які пабудаваў млын, малоў муку з камянёў і пёк хлеб, а па начах лётаў на млыне, збіраў па акрузе адважных і моцных да сябе ў дружыну. Калі верыць міфам, гэтым асілкам і быў Цмок, які прыняў чалавечае аблічча.
Гісторыя
Ідэя стварэння прафесійнага баскетбольнага клуба належыць Канстанціну Шараверу. У 2001 годзе ён стварыў на базе агульнаадукацыйных школ Мінска праект «Мэджык баскет». Праца секцый па баскетболе прыцягнула ўвагу гарадскіх улад і атрымала развіццё. 9 сакавіка 2006 года яна здабыла спартыўную і юрыдычную форму: на свет з’явіўся заснаваны гарвыканкамам прафесійны баскетбольны клуб «Мінск-2006». Праект нароўні з мужчынскай камандай аб’ядноўваў у сваёй структуры калектыў дублёраў, жаночае падраздзяленне, а таксама дзіцяча-юнацкую школу.
Далучыўшыся да змаганняў пад эгідай нацыянальнай федэрацыі, «Мінск-2006» адразу ж стаў бачным іграком на спартыўным полі краіны. Прагрэсуючы з года ў год, каманда падбіралася да вяршыняў айчыннага баскетбола, а з 2009 года стала яго гегемонам — на ўнутранай арэне «гараджанам» не знаходзілася роўных.
«Мінск-2006» стаў таксама ўдзельнікам Еўрачэленджа ФІБА. З сезону-2010/11 з’яўляецца адзіным прадстаўніком краіны ў рамках Адзінай лігі ВТБ.
14 верасня 2012 клуб абвясціў пра рэбрэндынг — змену наймення ўсіх прафесійных і дзіцячых каманд структуры. Гэта было зроблена з мэтай прыцягнуць дадатковую цікавасць аматараў баскетбола ў краіне, стаць вядомым і непаўторным спартыўным суб’ектам на міжнароднай арэне. Новае імя «Цмокі-Мінск» адлюстроўвала духоўныя і гістарычныя карані, уласцівыя беларусам, пры гэтым захоўваючы нестандартнасць, якія дыктаваліся маркетынгавай стратэгіяй. У першы ж год пасля змены «шыльды» каманда захапіла лідарства па колькасці гледачоў на хатніх матчах сярод усіх удзельнікаў Адзінай лігі ВТБ.
Дасягненні
Чэмпіянат Беларусі па баскетболе
Чэмпіён (13): 2008/2009, 2009/2010, 2010/2011, 2011/2012, 2012/2013, 2013/2014, 2014/2015, 2015/2016, 2016/2017, 2017/2018, 2018/2019, 2019/2020, 2020/2021.
- Чэмпіён (13): 2009, 2010, 2011, 2012, 2013, 2014, 2015, 2016, 2017, 2018, 2019, 2020, 2021
Бронзавы прызёр (1) 2008.
Склад 2020/21
Склад каманды
Яўген Белянкоў- Уладзіслаў Блізнюк
- Уладзімір Верамеенка
- Дзяніс Вікенцьеў (прыйшоў у каманду ў ходзе сезону)
- Бэнджамін-Павел Дуду
Крыс Клайбарн- Дэрэк Кук (прыйшоў у каманду ў ходзе сезону)
- Роберт Лоўры (пакінуў каманду ў ходзе сезону)
Томс Лэйманіс- Аляксандр Пустагвар
- Андрэй Рагазенка
- Максім Салаш (пакінуў каманду ў ходзе сезону)
- Андрэй Стаброўскі
- Аляксей Трасцінецкі
- Клавс Чаварс
Трэнеры каманды
- Расціслаў Вяргун (галоўны трэнер)
- Эдмундс Валейка
Войтэк Валіх
Статыстыка выступленняў
Трэнеры
- Аляксандр Папкоў (2006—2007)
- Ігар Карнеенкоў (2007—2008)
- Андрэй Крыванос (2008—2013)
- Дональдас Кайрыс (2013—2014)
- Ігар Грышчук (2014—2017)
- Аляксандр Круцікаў (2017—2019)
- Расціслаў Вяргун (з 2019)
Спасылкі
Тэмы гэтай старонкі (5):Вікіпедыя:Артыкулы з пераазначэннем значэння з Вікідадзеных
Баскетбольныя клубы, заснаваныя ў 2006 годзе
Баскетбольныя клубы паводле алфавіта
Цмокі-Мінск
2006 год у Мінску