Храм Веспасіяна і Ціта — руіны антычнага храма на Рымскім форуме.
Будаўніцтва храма пачалося па рашэнні Сената пасля смерці імператара Веспасіяна ў 79 годзе і завершана пры Даміцыяне. Храм прысвяцілі Флавіям Веспасіяну і яго сыну Ціту.
Храм Веспасіяна і Ціта — будынак, даўжынёй у 33 і шырынёй ў 22 м. У памяшканні знаходзіўся подыўм, на якім стаялі статуі двух абагаўлёных імператараў. Ад каланады засталіся ўсяго толькі тры калоны карынфскага ордэра вышынёй каля 15 м.