У Вікіпедыі ёсць артыкулы пра іншых асоб з прозвішчам Бергстрэм.
Хелена Бергстрэм (швед. Helena Bergström; нар. 5 лютага 1964 года, Гётэбарг) — шведская актрыса, жонка рэжысёра Коліна Нютле і ўнучка шведскага акцёра Улафа Відгрэна.
Нарадзілася ў сям’і рэжысёра Ханса Бергстрэма і актрысы Керсцін Відгрэн. Скончыла Шведскую нацыянальную акадэмію сцэнічнага мастацтва. У 1987—1989 і 1990—1991 гадах працавала ў Каралеўскім драматычным тэатры ў Стакгольме (Драматэн). У 1989—1990 і 1992—1993 гг. гуляла ў Стакгольмскім гарадскім тэатры. Выконвала ролі ў драмах Шэкспіра, Ібсена і Тэнэсі Уільямса. Усеагульную вядомасць атрымала пасля здымак у трылеры «Жанчыны на даху» (Kvinnorna på taket; 1989).
У 2007 годзе Хелена дэбютавала ў якасці рэжысёра з карцінай «Se upp för dårarna».