Халера (лац.: cholera) — вострая кішэчная антрапанозная інфекцыя, якую выклікаюць бактэрыі віда Vibrio cholerae. Характарызуецца фекальна-аральным механізмам заражэння, паражэннем тонкага кішэчніка, вадзяністай дыярэяй, ванітамі, хуткай стратай арганізмам вадкасці і электралітаў з развіццём рознай ступені абязводжання нават да гіпавалемічнага шока і смерці.