Філіп Пулман (анг.: Philip Pullman; 19 кастрычніка 1946, Норыдж) — англійскі пісьменнік, найбольш вядомы дзякуючы сваёй трылогіі: «Цёмныя пачаткі» і тэтралогіі: «Дзіўныя прыгоды Салі Локхарт».
Бацька будучага пісьменніка служыў у Каралеўскіх ВПС і хлопчыку прыйшлося шмат падарожнічаць па свеце. Частку свайго дзяцінства ён правёў у Аўстраліі, а з 11 гадоў жыў у Паўночным Уэльсе. Скончыўшы школу, Філіп Пулман працягнуў навучанне ў Оксфардзе, у Эксетэр-каледжы, дзе вывучаў англійскую філалогію. Пазней ён вярнуўся ў Оксфард, дзе дванаццаць гадоў працаваў настаўнікам у розных школах, а потым выкладаў у Вэстмінстэр-каледжы - вёў курсы па віктарыянскім рамане і фальклоры. З часам Пулман пакінуў выкладчыцкую дзейнасць, каб цалкам прысвяціць сябе пісьменніцкай справе.