Леана́рда Піза́нскі (лац.: Leonardo Pisano, Піза, каля 1170 — каля 1250), першы буйны матэматык сярэдневяковай Еўропы. Больш вядомы пад імем Фібана́чы (Fibonacci), што ў перакладзе з італьянскай мовы азначае «добры сын нарадзіўся» (Figlio Buono Nato Ci).
Вывучаў працы матэматыкаў ісламскіх краін (аль-Харэзмі, Абу Каміл, інш.), па арабскіх перакладах знаёміўся таксама з працамі антычных і індыйскіх матэматыкаў). На падставе засвоеных ім ведаў Фібаначы напісаў шэраг матэматычных трактатаў, якія ўяўляюць сабой выдатную з’яву сярэдневяковай заходнееўрапейскай навукі. Упершыню ў гісторыі матэматыкі вынайшаў зваротны шэраг, які прыводзіць да паслядоўнасці так званых лікаў Фібаначы (кожны наступны лік роўны суме двух папярэдніх).