Фёдар (Тэадор) Скумін-Тышкевіч (1538 — 1618) — дзяржаўны дзеяч Вялікага княства Літоўскага. Вялікі пісар літоўскі і надворны падскарбі літоўскі (1576—1586), вялікі падскарбі літоўскі (1586—1590), ваявода новагародскі (з 1590). Таксама быў старостам браслаўскім (1581—1610) і гарадзенскім (1608—1615).
Паходзіў з галіны Скумін-Тышкевічаў рода Тышкевічаў, сын Скуміна і Марыі Мялешкі. Жонка Кацярына Ляцкая. Меў з ёй адзінага сына Януша, ваяводу віленскага.