wd wp Пошук:
    ⬜

    Фёдар Антонавіч Піскуноў

    Родны дом Фёдара Піскунова (в. Раманавічы)

    Фёдар Антонавіч Піскуноў (12 студзеня 1950, в. Раманавічы — 5 красавіка 2013, Мінск) — беларускі лексікограф і мовазнавец.

    Біяграфія

    Скончыў хімічны факультэт БДУ (1966—1971). У 1971—1974 гг. працаваў старшым лабарантам, малодшым навуковым супрацоўнікам у Інстытуце торфу АН БССР (з 1990 года — Інстытут прыродакарыстання[1]). З 1974 да 1983 г. быў інжынерам-тэхнолагам, інжынерам-хімікам, начальнікам лабараторыі, начальнікам сектара на вытворча-тэхнічным аб’яднанні «Інтэграл», дзе выявіў сябе рацыяналізатарам і вынаходнікам. У 1983—2008 гг. — старшы інжынер, навуковы супрацоўнік Інстытута электронікі НАНБ. У 2008—2010 гг. — Фізіка-тэхнічнага інстытута НАНБ[2].

    Дзейнасць

    Асноўныя навуковыя інтарэсы ў сферы лінгвістыкі — камп’ютарная лексікаграфія, прыкладная марфалогія і ўніфікацыя беларускага правапісу.

    На працягу двух апошніх дзесяцігоддзяў самастойна распрацоўваў электронную базу дадзеных беларускай мовы. Вынікам гэтай працы стаў «Вялікі слоўнік беларускай мовы»[3] (2012) — першы ў беларускай лексікаграфіі арфаграфічна-граматычны слоўнік. Аб’ём рэестру слоўніка каля 223 тысяч слоў; апрацавана больш за 70 мільёнаў словаўжыванняў з 2 300 літаратурных крыніц.

    На чале групы супрацоўнікаў стварыў першую прафесійную праграму праверкі беларускай арфаграфіі «Літара» для Microsoft Office 2000—2003 і перадаў яе ў свабоднае карыстанне[4] (2004). Упершыню ў беларускай лінгвістыцы выканаў поўную марфалагічную класіфікацыю парадыгмаў беларускага дзеяслова[5] і назоўніка[6], на аснове якіх стварыў электронны слоўнік «Парадыгма» аб’ёмам больш за 134 тысячы лексем. Прэзентацыя і перадача ў свабоднае карыстанне[4] адбылася ў 2010 годзе.

    Многія назіранні і меркаванні, якія ўзніклі падчас сістэматызавання фактаў марфалогіі і арфаграфіі, адлюстраваныя ў шэрагу публікацый, змешчаных у часопісе «Роднае слова»[7]. У канцэнтраваным выглядзе погляды Фёдара Піскунова наконт стану беларускай мовы і надзённых задач для яе адраджэння змешчаны ў аўтарскай прадмове да «Вялікага слоўніка беларускай мовы»[8].

    Фёдар Піскуноў лічыў, што «зварот да прадстаўнічых моўных БД — гэта эфектыўны шлях выяўлення тэндэнцый напісання, што паслужыць асновай для фармулявання прапаноў па ўдакладненні або змене правапісных нормаў»[9]. Быў упэўнены ў «непрымальнасці пашырэння паняцця „нарматыўнасць“ за межы чыста правапісных фактаў мовы»[10]. У дачыненні да стандартызацыі мовы аб’ектам крытыкі сп. Піскунова з’яўляліся «шабланізацыя падыходаў і кіраванне „літарай“, а не „духам“ прадпісанняў, непераадольнае і пакуль пашыранае ўяўленне „няма слова ў слоўніку — няма ў мове“»[11].

    Гл. таксама

    Зноскі

    1. ↑ Дзяржаўная навуковая ўстанова «Інстытут прыродакарыстання»
    2. ↑ Дзяржаўная навуковая ўстанова «Фізіка-тэхнічны інстытут»
    3. ↑ Піскуноў, 2012
    4. 1 2 http://pravapis.tut.by Архівавана 23 студзеня 2011.
    5. ↑ Піскуноў, 2008
    6. ↑ Піскуноў, №8, 2011
    7. ↑ Часопіс «Роднае слова»
    8. ↑ Піскуноў, 2012, с. V-VI
    9. ↑ Піскуноў, 2006, с. 31
    10. ↑ Піскуноў, №7, 2010, с. 52
    11. ↑ Піскуноў, №2, 2012, с. 32

    Бібліяграфія

    Тэмы гэтай старонкі (15):
    Вікіпедыя:Артыкулы з пераазначэннем значэння з Вікідадзеных
    Вучоныя паводле алфавіта
    Памерлі ў 2013 годзе
    Пахаваныя ў Гомельскім раёне
    Выпускнікі хімічнага факультэта БДУ
    Памерлі ў Гомельскім раёне
    Нарадзіліся ў 1950 годзе
    Асобы
    Памерлі 5 красавіка
    Постаці Гомельскага раёна
    Вікіпедыя:Артыкулы пра асоб, для якіх не існуюць старонкі віду «І. Іпб. Прозвішча»
    Лексікографы Беларусі
    Вікіпедыя:Артыкулы пра асоб, для якіх не існуюць старонкі віду «І. Прозвішча»
    Нарадзіліся ў Гомельскім раёне
    Нарадзіліся 12 студзеня