Фондавая біржа Буэнас-Айрэса (ісп.: Bolsa de Comercio de Buenos Aires) — цэнтральная аргенцінская гандлёвая пляцоўка, на долю якой прыходзіцца да 95 % усіх біржавых аперацый у краіне. Заснавана ў 1854 годзе на базе Гандлёвага банка, з’яўляецца найстарэйшай біржай Лацінскай Амерыкі. Ажыццяўляе таргі акцыямі, аблігацыямі, апцыёнамі і ф’ючэрсамі. Уяўляе сабой самакіравальную некамерцыйную арганізацыю.