Фарфоравая мануфактура Аўгартэн (ням.: Porzellanmanufaktur Augarten) — першая ў імперыі Габсбургаў фарфоравая мануфактура, якая знаходзілася ў прадмесці Вены.
Фарфоравая мануфактура ў Вене стала другой у Еўропе пасля Мейсенскай.
25 мая 1718 года аўстрыйскі імператар Карл VI сваім загадам перадаў асаблівыя прывілеі Клаўдзіўсу Інацэнціўсу дзю Пак’е (Claudius Innocentius du Paquier) на права манапольнай вытворчасці фарфора ў імперыі на працягу 25 гадоў. Гэты перыяд вытворчасці аўстрыйскага фарфора стаў вядомым, як «перыяд дзю Пак’е».
Але мануфактура не здолела вытрымаць канкурэнцыі з іншымі еўрапейскімі фабрыкамі і ў 1863 годзе стратнае прадпрыемства было зачынена пастановай парламента.
Мануфактура зноў распачала працу ў 1923 годзе.