«Кан» (фр.: Stade Malherbe Caen Calvados Basse-Normandie ці SM Caen) — французскі футбольны клуб з горада Кан. Быў заснаваны ў 1913 годзе. Сваю назву клуб атрымаў у гонар ураджэнца Кана Франсуа дэ Малерба (1555—1628), паэта і перакладчыка. Найвышэйшым дасягненнем клуба з’яўляецца выхад у фінал Кубка лігі ў 2005 годзе. Найвышэйшым месцам у чэмпіянаце Францыі за ўсю гісторыю клуба стала 5-е месца ў сезоне 1991/1992.