Ура́рцкая мова — старажытная мова, распаўсюджаная ў дзяржаве Урарту (першая палова 1 тысячагоддзя да н.э.).
Урарцкая мова належыла да групы хурыта-урарцкіх моў, распаўсюджаных у старажытнасці на Блізкім Усходзе і паўднёвым Закаўказзі. У якасці пісьма выкарыстоўваліся асірыйскі клінапіс (знойдзена каля 600 таблетак, дэшыфраваны ў 1920-я гг.) і так званыя урарцкія іерогліфы (не дэшыфраваны).