Мірза (пазней Султан) Мухамед ібн Шахрух ібн Цімур Улугбек Гураган (перс.: میرزا محمد طارق بن شاهرخ, узб.: Mirzo (keyinchalik Sulton) Muhammad ibn Shohruh ibn Temur Ulug’bek Ko’ragon; 22 сакавіка 1394, Сальтаніе — 27 кастрычніка 1449, Самарканд) — кіраўнік дзяржавы Цімурыдаў, сын Шахруха, унук Тамерлана. Вядомы як выдатны астраном і астролаг. Тытул Гуркані (Гураган) Gurkān — іранізаваны варыянт мангольскага күрүгэн або хүргэн, «зяць», «ханскі жаніх». Тытул Гуркані першым прыняў Тамерлан, які парадніўся з домам Чынгізідаў.
У 1424—1428 гадах[2] пабудаваў на пагорку Кухак у ваколіцах Самарканда адну з найбольш значных абсерваторый сярэднявечча.