Уладзімір Канстанцінавіч Сла́бін (нар. 7 кастрычніка 1964, Гарадок) — беларускі навуковец, спецыяліст у галіне экалагічнай адукацыі і выхавання.
Скончыў біёлага-хімічны факультэт Віцебскага педагагічнага інстытута (1986) i аспірантуру Інстытута механікі металапалімерных сістэм АН БССР (1990). Працаваў на кафедрах хіміі (1990—2003) і педагогікі (2004—2005) Віцебскага дзяржаўнага ўніверсітэта, у Віцебскім філіяле Інстытута сучасных ведаў імя А. М. Шырокава (2003—2004). Кандыдат педагагічных навук (2000), дысертацыя прысвечана даследаванню распрацоўкі і выкарыстання камп’ютарных праграм як сродку экалагічнай адукацыі і выхавання ў выкладанні біялогіі, хіміі і геаграфіі. Член рэдакцыйных калегій часопісаў Journal of Baltic Science Education[1] (Літва, 2003—2021), Problems of Education in the 21st Century[2] (Літва, 2007—2021), Gamtamokslinis Ugdymas / Natural Science Education[3] (Літва, 2006—2021), Journal of Teacher Education for Sustainability[4] (Латвія, 2005—2007), Eurasian Journal of Mathematics, Science and Technology Education[5] (Турцыя, 2006—2012).
З 2006 года працуе навуковым супрацоўнікам Цэнтра перадавых тэхналогій у адукацыі (Center for Advanced Technology in Education)[6] і выкладчыкам кафедры хіміі Універсітэта штата Арэгон у Юджыне.
Аўтар Беларускага музычнага календара (2011)[7] і віртуальнай Беларусі[8][9][10] ў Second Life (2008—2021).