У Вікіпедыі ёсць артыкулы пра іншых асоб з прозвішчам Булатаў. Уладзімір Георгіевіч Булатаў (30 чэрвеня 1929, г. Новасібірск — 19 лютага 1976) — беларускі спартсмен (лёгкая атлетыка, скачкі з шастом). Заслужаны майстар спорту СССР (1959), заслужаны трэнер БССР (1975)[1].
Скончыў Кіеўскі інстытут фізічнай культуры ў 1953 годзе. З 1961 старшы трэнер па скачках з шастом зборнай юніёраў СССР па лёгкай атлетыцы, у 1967-68 старшы трэнер па скачках з шастом Рэспубліканскай школы вышэйшага спартыўнага майстэрства[1].
Рэкардсмен Еўропы, СССР. Лепшы вынік — 4 метры 64 см (1959)[1].
З 1978 праводзяцца адкрытыя рэспубліканскія спаборніцтвы па скачках з шастом памяці Булатава[1][2].