wd wp Пошук: ⬜

Увэр-Хангайскі аймак

Увэр-Хангайскi аймак, таксама Увэрхангай (манг.: Өвөрхангай аймак) — аймак ў цэнтральнай Манголiі.

Агульныя звесткi

Увэрхангай быў утвораны ў 1931 годзе. Плошча аймака складае 62 895 км². Колькасць насельніцтва —100 444 чалавек (на канец 2010 года). Адміністрацыйны цэнтр — горад Арвайхээр. Аймака падзяляецца на 19 самонаў.

Геаграфiя

Увэрхангай знаходзіцца ў цэнтральнай Манголіі. На захадзе ад яго размешчаны Баян-Хангорскi аймак, на поўначы — аймакi Архангай і Булган, на ўсходзе — Цэнтральны і Сярэднегабiйскi, на поўдні і паўднёвым усходзе — Паўднёва-Габійскі аймакi. На поўначы і паўночным захадзе аймака ляжаць Хангайскiя горы. Тут, на поўначы, знаходзяцца таксама самая старыя будысцкія манастыры Манголіі — Эрдэнi-Дзу і Шанх. На поўдзень ад Ганс распасціраецца стэпавая раўніна, на крайнім поўдні — адгор’і Гобі-Алтайскага хрыбта.

Эканомiка

На тэрыторыі аймака знаходзіцца вугальнае радовішча Баянтэг, якое было адкрыта ў 1961 годзе. Агульныя запасы складаюць 29 мільёнаў тон, аднак 4 з іх ужо здабыта. Таксама вядзецца разведка радовішчаў золата. Плануецца пабудаваць цеплавую электрастанцыю магутнасцю ў 40 МВт. Увэрхангай мае найбольшую колькасць жывёлы ў Манголіі. У год аймакаў пастаўляе 82,4 тоны вярблюджай воўны, 77,7 тоны поўсці якаў, 9353,4 тыс. літраў каровінага і 2164,8 тыс. літраў казінага малака. Аймакаў з’яўляецца адным з лепшых рэгіёнаў Манголіі па ўзроўні інфраструктуры.

Славутасцi

Побач з трасай Улан-Батар—Арвайхээр, прыкладна ў 15 км на ўсход ад шашы побач з населеным пунктам Бурда знаходзіцца геаграфічны цэнтр Манголіі, які адзначаны каменным абеліскам (N46 52 E103 50).
Манастыр Эрдэн-Зуў, адзін з самых старажытных манастыроў, які захаваўся да гэтага часу. Ён быў пабудаваны на месцы былой сталіцы Мангольскай імперыі XIII стагоддзя Каракарум, якая была заснавана Чынгісханам.
Музей Хархарум
Манастыр Шанх — у 1647 годзе заснаваны як качавы, в 1787 годзе засведчыў сваё становішча паблізу горы Шанх. У 1990 годзе ад манастыра засталося некалькі паўразбураных будынкаў, цяпер ён рэстаўруецца.
Хужыр — лячэбны санаторый на вышыні 2660 метраў над узроўнем мора.
Вадаспад на прытоку ракі Архон — самы вядомы вадаспад у Манголіі.
Наскальныя малюнкі ў мясцовасці Палу (N45 26,651 E 102 09,970, вышыня над узроўнем мора 1697 м). Ўзрост малюнкаў каля 13 000 гадоў. Каардынаты другой групы малюнкаў N45 25,855 E102 08,434, вышыня над узроўнем мора 1672 м.

Адміністрацыйнае дзяленне

Самоны Увэр-Хангайскага аймака^[1]
№	Самон	Монгольская назва	Насельнiцтва, (2004)	Насельнiцтва, (2006)	Насельнiцтва, (2008)
1	Арвайхээр	Арвайхээр	22 546	24 954	25 622
2	Барунбаян-Улан	Баруун Баян-Улаан	2 586	2 502	2 556
3	Бат-Улзый	Бат-Өлзий	5 932	5 878	6 189
4	Баян-Ундэр	Баян-Өндөр	3 734	4 077	4 261
5	Баянгол	Баянгол	4 103	3 933	4 572
6	Богд	Богд	5 708	5 395	5 342
7	Бурд	Бүрд	3 171	3 258	3 135
8	Гучын-Ус	Гучин-Ус	2 290	2 279	2 260
9	Хайрхандулан	Хайрхандулаан	3 388	3 462	3 510
10	Хархорын	Хархорин	12 546	13 270	12 901
11	Хужырт	Хужирт	6 781	6 749	6 649
12	Нарыйнтэл	Нарийнтээл	3 797	3 792	3 736
13	Улзыйт	Өлзийт	2 805	2 678	2 741
14	Сант	Сант	3 706	3 540	3 525
15	Тарагт	Тарагт	3 860	3 424	3 313
16	Тугрэг	Төгрөг	2 839	2 691	2 689
17	Уянга	Уянга	10 003	10 510	9 581
18	Есэнзуйлэ	Есөнзүйл	3 584	3 415	3 422
19	Зунбаян-Улан	Зүүнбаян-Улаан	4 268	4 343	4 436

Зноскі

↑ Övörkhangai Aimag Sums Statistics, 2009 Архівавана 21 красавіка 2012 года.

Спасылкi

Тэмы гэтай старонкі (4):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Аймакі Манголіі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Старонкі з нелікавымі аргументамі formatnum