Тэрор (лац.: terror — страх, жах) — застрашванне сваіх палітычных супернікаў або насельніцтва, якое выяўляецца ў фізічным гвалце, ажно да знішчэння.[1] Тэрорам таксама называюць пагрозу фізічным гвалтам паводле палітычных ці іншых матываў, або застрашванне з пагрозай забойства.[2] Сінонімы слова «тэрор» — «застрашванне», «гвалт».[3]
Ёсць два віды тэрору.
Дзяржаўны тэрор — шэраг мерапрыемстваў накіраваных на фізічнае знішчэнне або застрашванне палітычных канкурэнтаў ці насельніцтва, які здзяйсняецца дзяржаўнай уладай (напрыклад: якабінскі тэрор у часе Вялікай французскай рэвалюцыі, Чырвоны тэрор у часы Грамадзянскай вайны ў Расіі, аперацыя «Кондар»).
Эканамічны тэрор — шэраг мерапрыемстваў накіраваных на эканамічнае знішчэнне або застрашванне палітычных канкурэнтаў ці насельніцтва шляхам эканамічнага знішчэння і пакідання без сродкаў да існавання. (Напрыклад: голад у Ірландыі 1845—1848 гадах, раскулачванне ў СССР 1917—1930-я, Галадамор)[4]