Тэрарыстычны акт у Александрыі (араб. تفجير الإسكندرية) здарыўся 1 студзеня 2011 года, загінулі па меншай меры 32 чалавека[1], яшчэ каля 100 атрымалі раненні[2].
Па словах відавочцаў, зялёны аўтамабіль Шкода прыпаркаваўся каля царквы пасля паўночы. З машыны выйшлі двое мужчын, адзін з іх размаўляў па мабільным тэлефоне, затым яны сышлі ў невядомым кірунку. Выбух здарыўся амаль адразу пасля гэтага[3]. На момант выбуху, некалькі тысяч копцкіх хрысціян прысутнічалі на набажэнстве ў царкве з нагоды Новага года. 21 копцкі хрысціянін загінуў адразу ж пасля выбуху[4], яшчэ 11 сканалі ад атрыманых траўм у шпіталі.[1]