Тургайская лагчына
Тургайская лагчына, Тургайская даліна — эразійна-тэктанічная лагчына з плоскім дном, якая перасякае з поўначы на поўдзень Тургайскае плато, злучае раўніны Заходняй Сібіры і паўночную частку Туранскай нізіны, у Казахстане. Даўжыня каля 800 км, шырыня 20-75 км, вышыня да 125 метраў. Адпавядае восевай зоне Тургайскага прагіну. Складзена са старажытнаалювіяльных і азёрна-алювіяльных адкладаў. Дрэніруецца рэкамі Убаган (на поўначы) і Тургай (на поўдні). Шмат мелкаводных салёных азёр (Сарыкапа і інш.). На поўначы — стэпы, на поўдні — паўпустыні, якія выкарыстоўваюцца як паша. На тэрыторыі Турганскай лагчыны — Наурзумскі запаведнік.
Літаратура
- Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 16: Трыпалі — Хвіліна. — 576 с. — 10 000 экз. — ISBN 985-11-0263-6 (т. 16), ISBN 985-11-0035-8.
 | Для гэтага артыкула не запоўнены шаблон-картка \{\{Раўніна\}\}. |
Катэгорыя·Вікіпедыя·Спасылкі на Беларускую энцыклапедыю без назвы артыкула
Катэгорыя·Даліны
Катэгорыя·Вікіпедыя·Спасылкі на Беларускую энцыклапедыю без аўтара
Катэгорыя·Вікіпедыя·Артыкулы без шаблонаў-картак
Катэгорыя·Заходняя Сібір
Катэгорыя·Вікіпедыя·Спасылкі на Беларускую энцыклапедыю без нумароў старонак
Катэгорыя·Рэльеф Казахстана