Тупак Амару II, сапраўднае імя Хасэ Габрыэль Кондарканкі Нагера (ісп.: Túpac Amaru II, José Gabriel Condorcanqui Noguera; 19 сакавіка 1738, Тынта — 18 мая 1781, Куска) — амерыканскі рэвалюцыянер, арганізатар і кіраўнік паўстання карэнных народаў супраць іспанскіх каланіяльных уладаў у Перу. Імя узяў у гонар індзейскага правадыра Тупака Амару. Нягледзячы на тое што паўстанне не ўвянчалася поспехам, Тупак Амару II стаў сімвалам вызвалення Перу ад іспанскага валадарства.