Тсу́га кана́дская[2] (Tsuga canadensis) — вечназялёнае дрэва сямейства хваёвых.
Вышыня дрэў да 20 м, дыяметр 40-50 см. Крона конусападобная. Кара бурая, няроўная. Парасткі густа ўкрыты лінейна-ланцэтнай, пляскатай ігліцай. Шышкі шматлікія, яйкападобныя, летам блакітна-зялёныя, увосень жаўтавата-бурыя.
Радзіма Паўночная Амерыка.
Інтрадукавана на Беларусі ў пачатку ХХ ст. У цэнтральных і паўночна-заходніх раёнах зрэдку вырошчваюць як дэкаратыўнае дрэва ў садах і парках.
Дэкаратыўная расліна, устойлівая да гарадскіх умоў.