Трыцэра́тапсы (Triceratops, ад стар.-грэч. Τρι, tri - «тры», κέρας, keras - «рог» і ωψ, ops - «пыса», «твар») — вымерлы род раслінаедных дыназаўраў з сямейства цэратапсід, існавалі ў канцы Маастрыхцкага яруса крэйдавага перыяду, прыкладна ад 68 да 65 мільёнаў гадоў таму на тэрыторыі сучаснай Паўночнай Амерыкі. Маючы вялікі касцявы каўнер, тры рогі на мордзе, буйныя тоўстыя канечнасці і падобны з насарогам целасклад, з’яўляюцца аднымі з найбольш вядомых дыназаўраў. Хоць, магчыма, самы буйны драпежнік таго часу тыраназаўр, мог паляваць на трыцэратопсаў, незразумела ці маглі яны змагацца адзін з адным, як гэта часта малюецца.