Трохкаляровы ара[1] (Ara tricolor) — вымерлая птушка сямейства папугаевых.
Даўжыня цела 45-50 см, крыла — 26-28 см. Быў ярка-чырвонага колеру, верх галавы жаўтлява-чырвоны, патыліца жоўтая.
Жыў на Кубе і востраве Хувентуд.
Да 1800 г. гэты папугай быў даволі шырока распаўсюджаны. Аднак хуткае засяленне вострава, знішчэнне лясоў, якія замяняліся зернавымі, бананавымі і іншымі плантацыямі, а таксама пераслед дзеля яркага апярэння і мяса, прывяло да знікнення віду. Да 1849 заставалася ўсяго 19 асобін, якія жылі у аддаленых раёнах. Папуляцыі не ўдалося аднавіцца. Апошні папугай быў забіты прыблізна ў 1864 годзе ў ваколіцах балота Сьенага-дэ-Сапата. Па непацверджаных дадзеных гэтыя птушкі жылі да 1885 года.