У Вікіпедыі ёсць артыкулы пра іншых асоб з прозвішчам Дасаева. Таццяна Мікалаеўна Дасаева (нар. 27 ліпеня 1951, в. Старцавічы, Слуцкі раён, Мінская вобласць) — беларускі літаратуразнавец, крытык. Доктар філалагічных навук (2003), прафесар (2003).
Скончыла Беларускі дзяржаўны ўніверсітэт (спецыяльнасць «Беларуская і руская мова і літаратура», 1973), Інстытут літаратуры АН БССР (аспірантура, 1977). Навуковыя інтарэсы: даследаванне мастацкай прозы і публіцыстыкі; гісторыя журналістыкі; літаратурная, навуковая і журналісцкая дзейнасць М. Гарэцкага. Працуе ў Беларускім дзяржаўным універсітэце (Інстытут журналістыкі, кафедра замежнай журналістыкі і літаратуры, загадчыца кафедры).
Ганаровыя граматы Міністэрства адукацыі Рэспублікі Беларусь (2004), Міністэрства інфармацыі Рэспублікі Беларусь (2006).