wd wp Пошук: ⬜

Тахіны

Тахіны, вожыка-мухі, мухі-скаралёткі (Tachinidae) — шматлікае паўсюдна распаўсюджанае сямейства караткавусых двухкрылых насякомых, якое ўключае ў сябе больш за 8200 вядомых відаў. Лічынкі большасці відаў — унутраныя паразітоіды насякомых.

Апісанне

Даўжыня цела прадстаўнікоў сямейства 3-20 мм. Цела пакрыта шчацінкамі (адсюль другая назва). Форма брушка яйкападобная або конусападобная. Брушка складаецца з 4 кольцаў. Апошні члянок вусікаў сціснуты з бакоў. Імага актыўныя ў сонечнае цёплае надвор’е і часта сустракаюцца на кветках раслін, дзе сілкуюцца нектарам. Для некаторых відаў уласцівы змрочны перыяд актыўнасці.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.