У Вікіпедыі ёсць артыкулы пра іншых асоб з прозвішчам Навагродскі. Тадэвуш Антонавіч Навагродскі (нар. 6 лістапада 1965, в. Арцюшы, Шчучынскі раён, Гродзенская вобласць) — беларускі этнограф, этнолаг, гісторык і педагог.
Скончыў гістарычны факультэт БДУ (1991), паступіў у аспірантуру Інстытута мастацтвазнаўства, этнаграфіі і фальклору (ІМЭФ) НАНБ. У 1994—1997 гадах — навуковы супрацоўнік аддзела этналогіі ІМЭФ НАНБ. З 1997 г. — дацэнт кафедры археалогіі, этнаграфіі і дапаможных гістарычных дысцыплін, з 2001 — дацэнт, з 2008 — загадчык кафедры этналогіі, музеялогіі і гісторыі мастацтва гістарычнага факультэта БДУ. Доктар гістарычных навук (2016). Прафесар (2017). На працягу 30 гадоў праводзіць палявыя этнаграфічныя даследаванні ў розных гістарычна-этнаграфічных рэгіёнах Беларусі, вынікі якіх часткова надрукаваны ў этнаграфічных зборніках. З 1997 кіраўнік студэнцкіх этнаграфічных экспедыцый БДУ. Сфера навуковых інтарэсаў: традыцыйная беларуская культура, гістарыяграфія этналогіі Беларусі, методыка палявых этнаграфічных даследаванняў, міжэтнічныя адносіны ў Рэспубліцы Беларусь.
Аўтар 210 прац, у т.л.8 манаграфій.