wd wp Пошук: ⬜

Сінгасары

Гісторыя Інданезіі
Храналогія
Дагістарычныя часы Пітэкантрап 1,000,000 да н. э. Чалавек флорэскі 94,000–12,000 да н. э. Культура Буні 400 да н. э.
Індуісцкія і будысцкія дзяржавы Дзяржава Салака 130–362 Дзяржава Кутай 350–1605 Дзяржава Тарума 358–669 Дзяржава Калінга 500-я–600-я Дзяржава Мелаю 600-я Дзяржава Шрывіджая 600-я–1200-я Дзяржава Сайлендра 800-я–900-я Дзяржава Галух 669–1482 Дзяржава Сунда 669–1579 Дзяржава Матарам 752–1006 Дзяржава Балі 914–1908 Дзяржава Кахурыпан 1006–1045 Дзяржава Кедыры 1045–1221 Дзяржава Дхармашрая 1183–1347 Дзяржава Сінгасары 1222–1292 Дзяржава Маджапахіт 1293–1500
Узнікненне ісламскіх дзяржаў Распаўсюджанне ісламу 1200–1600 Султанат Тэрнатэ 1257–1914 Султанат Пасай 1267–1521 Дзяржава Пагаруюн 1347–1833 Султанат Бруней 1368–1888 Малакскі султанат 1400–1511 Султанат Сулу 1405–1851 Чырэбонскі султанат 1445–1677 Султанат Дэмак 1475–1548 Султанат Ачэх 1496–1903 Султанат Бантам 1526–1813 Султанат Каліньямат 1527–1599 Султанат Матарам 1500s–1700s Султанат Джахор 1528s–1877 Султанат Суракарта 1745–1946 Султанат Джак'якарта 1755–1945 Султанат Сіяк 1725–1946 Султанат Дэлі 1814–1946 Султанат Рыау-Лінга 1824–1911
Хрысціянскае каралеўства Каралеўства Ларантука[id] 1600–1904
Еўрапейская каланізацыя Партугальская Інданезія 1512–1850 Галандская Ост-Індская кампанія 1602–1800 Французскі і брытанскі перыяд 1806–1815 Галандская Ост-Індыя 1800–1942 1945–1950
Утварэнне Інданезіі Нацыянальнае абуджэнне 1908–1942 Японская акупацыя 1942–1945 Вайна за незалежнасць 1945–1950
Незалежнасць Ліберальная дэмакратыя 1950–1957 Накіроўваемая дэмакратыя 1957–1965 Пераход да Новага парадку 1965–1966 Новы парадак 1966–1998 Акупацыя Усходняга Тымора 1975–1999 Перыяд рэформ 1998–сёння
Па тэмах Валюта · Гаспадарка · Ваенная гісторыя
г р п

Сінгасары (індан.: Singhasari) — сярэдневяковая індуісцкая дзяржава на ўсходзе вострава Ява (1222—1293 гг.).

Заснаванне

Кен Арок, заснавальнік дзяржавы Сінгасары, — надзвычай папулярная постаць яванскага фальклора. Паводле легенд, ён быў сынам незамужняй жанчыны і Брахмы. Маці пакінула немаўля на могілках, аднак ён быў выратаваны і выгадаваны прафесійным злодзеем. У маладосці Кен Арок меў шмат прыгод. Яму прыпісваецца вынаходства крыса. У выніку ён стаў наёмнікам намесніка адной з правінцый дзяржавы Кедыры, падманам захапіў у яго ўладу і ажаніўся з прыгажуняй Кен Дэдэс. У 1222 г. Кен Арок перамог армію Кедыры і абвясціў новую дзяржаву Сінгасары.

Мангольскае нашэсце

Найбольш паспяховым нашчадкам Кен Арока быў пяты раджа Сінгасары, Кертанегара (1268—1292 гг.), які падпарадкаваў Балі і арганізаваў марскую экспедыцыю на захад Зондскіх астравоў. Кертанегара вёў актыўныя зносіны з іншымі дзяржавамі на тэрыторыі сучасных Інданезіі і Малайзіі, а таксама з Чампай на поўдні сучаснага В’етнама.

У 1289 г. Хубілай звярнуўся да Кертанегары з патрабаваннем выплочваць даніну, аднак той адмовіўся і знявечыў прысланых мангольскіх паслоў. У адказ, Хубілай пачаў арганізацыю ваеннай экспедыцыі на Яву. Падрыхтоўка да абароны і ўтрыманне войскаў за межамі дзяржавы аслабілі сілы Кертанегары. Гэта выкарыстаў у сваіх мэтах Джаякатванг, залежны ад яго валадар Кедыры і Маджапахіта. Ён паўстаў супраць Сінгасары, перамог яе войска і забіў раджу.

У 1293 г., калі на Яве высадзілася мангольская армія, Радэн Віджая, стрыечны сын Кертанегары, выступіў у якасці іх саюзніка супраць Джаякатванга. Але пасля разгрому войскаў Кедыры і Маджапахіта Радэн Віджая нечакана здрадзіў саюзнікам і пачаў супраць іх ваенныя дзеянні. Манголы былі вымушаны пакінуць Яву. Стрыечны сын Кертанегары стаў заснавальнікам новай дынастыі Маджапахіта.

Спасылкі

	Сінгасары на Вікісховішчы

• Indonesia History — Singasari Kingdom — 1222—1292
• LEGENDS OF INDONESIA
• Mongolian invasion of Java in 1293 Архівавана 24 красавіка 2016.

Тэмы гэтай старонкі (9):
Катэгорыя·Старажытны Усход
Катэгорыя·Гісторыя Інданезіі
Катэгорыя·Гістарычныя дзяржавы Азіі
Катэгорыя·Гісторыя Явы
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·1222 год у Азіі
Катэгорыя·З’явіліся ў 1222 годзе
Катэгорыя·Зніклі ў 1293 годзе
Катэгорыя·Вікіпедыя·Артыкулы з пераазначэннем значэння з Вікідадзеных