У Вікіпедыі ёсць артыкулы пра іншых асоб з прозвішчам Валконскі. Князь Сяргей Рыгоравіч Валконскі (8 (19) снежня 1788, горад Ачакаў −28 лістапада (10 снежня) 1865) — генерал-маёр, брыгадны камандзір 19 пяхотнай дывізіі (1825); герой Айчыннай вайны 1812 года, дзекабрыст. З 1820 года член «Саюза працвітання», з 1821 года член «Паўднёвага таварыства дзекабрыстаў». Разам з В. Л. Давыдавым кіраваў Каменскай управай, наладжваў сувязі з Паўночным таварыствам дзекабрыстаў. Прыхільнік «Рускай праўды» П. І. Песцеля. Прыгавораны да смяротнай кары, замененай пажыццёвай катаргай. Вярнуўся з Сібіры ў 1856 годзе. Аўтар «Запісак».