У Вікіпедыі ёсць артыкулы пра іншых асоб з прозвішчам Смотрын. Сяргей Міхайлавіч Смотрын (нар. 8 кастрычніка 1955, в. Барок, Слуцкі раён, Мінская вобласць) — беларускі ўрач-хірург. Доктар медыцынскіх навук (2004), прафесар.
Скончыў Гродзенскі дзяржаўны медыцынскі інстытут (1978).
Працаваў у кампаніі «Здравэкспорт» Міністэрства аховы здароўя Расійскай Федэрацыі (2012—2015, урач-хірург у Рэспубліцы Ангола), Гродзенскім дзяржаўным медыцынскім універсітэце (1978—2012 і з 2015, медыка-псіхалагічны факультэт, 2-я кафедра хірургічных хвароб, прафесар, у 2005—2011 і 2015—2016 — загадчык кафедры, 2002—2005 — прарэктар па навуковай рабоце).
Навуковыя інтарэсы: абдамінальная, хуткая, гнойная, эндаскапічная і лазерная хірургія.
Медаль Свяціцеля Кірылы Тураўскага.