wd wp Пошук: ⬜

Сяргей Барысавіч Іваноў

У Вікіпедыі ёсць артыкулы пра іншых асоб з падобнымі імёнамі, гл. Іваноў і Сяргей Іваноў.

Сяргей Барысавіч Іваноў (нар. 31 студзеня 1953, Ленінград) — расійскі дзяржаўны дзеяч, першы намеснік старшыні Урада Расіі (2007—2008), намеснік старшыні Урада Расіі (2005—2007, 2008—2011), міністр абароны Расіі (2001—2007), кіраўнік адміністрацыі Прэзідэнта Расіі (2011—2016), генерал-палкоўнік ФСБ Расіі ў запасе.

Раннія гады

Скончыў перакладчыцкае аддзяленне філалагічнага факультэта Ленінградскага дзяржаўнага ўніверсітэта і ваенную кафедру пры ім (1975), вышэйшыя курсы КДБ СССР у Мінску (1976), Чырванасцяжны інстытут КДБ СССР (1981).

У 1974 годзе адпраўлены вывучаць англійскую мову ў Ілінгскі тэхнічны каледж (Вялікабрытанія).

У 1975 годзе быў прыняты на службу ў КДБ СССР. У 1976—1977 гадах — супрацоўнік 1-га (кадравага) аддзела Упраўлення КДБ па Ленінграду і Ленінградскай вобласці, дзе працаваў у адным падраздзяленні разам з будучым Прэзідэнтам Расійскай Федэрацыі Уладзімірам Пуціным.

Працаваў да 1985 ў рэзідэнтуры ў Фінляндыі, а затым у Кеніі.

У 1991—1998 гадах працягнуў працаваць у Службе знешняй разведкі Расіі. Службу ў разведцы скончыў першым намеснікам дырэктара Еўрапейскага дэпартамента СВР Расіі.

Дзейнасць

12 мая 2008 года ва ўрадзе У. У. Пуціна заняў пасаду намесніка Старшыні Урада Расійскай Федэрацыі. Курыраваў пытанні ваеннай прамысловасці.

З 22 снежня 2011 года — кіраўнік Адміністрацыі Прэзідэнта Расійскай Федэрацыі.

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129435783 // Агульны нарматыўны кантроль — 2012—2016. Праверана 27 красавіка 2014.

Спасылкі

На Вікісховішчы ёсць медыяфайлы па тэме Сяргей Барысавіч Іваноў

Папярэднік: Уладзімір Уладзіміравіч Пуцін	Сакратар Савета Бяспекі Расіі 1999—2001	Пераемнік: Уладзімір Барысавіч Рушайла
Папярэднік: Маршал Расійскай Федэрацыі Ігар Дзмітрыевіч Сяргеяў	Міністр абароны Расіі 2001—2007	Пераемнік: Анатоль Эдуардавіч Сердзюкоў