Сыта
Сыта́ — страва у многіх народаў, засалоджаная мёдам вада.
Сыту выкарыстоўвалі ў якасці поснай закраскі для кашы, куцці, кісялю. Самастойна спажывалі ў посныя дні. На памінкі, Дзяды гатавалася абрадавая страва канун — у сыту дадавалі хлеб.
Выкарыстанне ў пчалярстве
Пчаляры выкарыстоўвалі вадкую і густую сыту ў якасці падкормкі пчол. Вадкая складалася з 2—3 частак вады і 1 часткі мёду і выкарыстоўвалася вясной і раннім летам з мэтай павелічэння расплоду. Густая сыта гатавалася з 2—3 частак мёду і адной часткі вады і выкарыстоўвалася пры недахопе мёду ў вуллі пасля зімы.
Літаратура
- Вештарт І. Ф., Цярохін С. Ф. Сыта // Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 324. — 552 с. — 10 000 экз. — ISBN 985-11-0251-2 (Т. 15).
Катэгорыя·Беларуская кухня
Катэгорыя·Пчалярства
Катэгорыя·Ежа ў рэлігіі
Катэгорыя·Руская кухня