У Вікіпедыі ёсць артыкулы пра іншых асоб з прозвішчам Майхровіч. Сцяпа́н Казіміравіч Майхро́віч (21 чэрвеня 1908, паселішча Старэва, Слуцкі раён — 2 ліпеня 1981, Мінск) — беларускі крытык, літаратуразнавец. Кандыдат філалагічных навук (1959).
У 1941 скончыў Мінскі педінстытут. У 1941—1943 працаваў у Маскве галоўным рэдактарам Цэнтральнага беларускага вяшчання, а пасля вайны — старэйшым навуковым супрацоўнікам Інстытута мастацтвазнаўства, этнаграфіі і фальклору АН Беларусі. Член Саюзу пісьменнікаў Беларусі з 1947.
Аўтар кніжак пра Францыска Скарыну, Янку Лучыну. Даследаваў фалькларыстыку, апублікаваў кнігу нарысаў па гісторыі беларускай дакастрычніцкай літаратуры, даследаванні «„Слова пра паход Ігаравы“ і беларуская літаратура», «Гісторыю старажытнай беларускай літаратуры» і інш.