Схізма (стар.-грэч. Σχίσμα - «расшчапленне, раскол, нязгода») — раскол у Царкве ці іншай рэлігійнай арганізацыі.
Расколы ў хрысціянскай царкве
У 325 г. на I-м Нікейскім Сусветным саборы адбыўся раскол: арыянства было асуджана, аднак пазней імператар Канстанцін памяркоўна ставіўся да ўмеранага арыянства, якое працягвала існаваць да яго паўторнага асуджэння на Канстанцінопальскім Сусветным саборы 381 года пры падтрымцы імператара Феадосія I.
У 451 г. вучэнне монафізітаў было асуджана Халкідонскім саборам. Гэта прывяло да расколу і вострай рэлігійна-палітычнай барацьбы.
«Фаціянская схізма»: у жніўні 863 на Рымскім Саборы быў адлучаны Патрыярх Фоцій, у верасні 867 Сабор у Канстанцінопалі адлучыў Папу Мікалая.