Сфінктрына (Sphinctrina) — род накіпных лішайнікаў сямейства каліцыевых.
Слаявіна непрыкметная, развіваецца ўнутры субстрату. Пладовыя целы (апатэцыі) на ножках або сядзячыя. акруглай формы, чорныя, бліскучыя. Споры аднаклетачныя, шарападобныя. цёмнага колеру, па 8 у сумцы. Размнажэнне аскаспорамі.
Пашыраны ў Еўразіі і Паўночнай Амерыцы. На Беларусі 1 від — сфінктрына ямістая (Sphinctrina gelasinata), занесена ў Чырвоную кнігу. Селіцца на розных відах лішайнікаў з роду пертузарыя (Pertusaria) ў старых шыракалістых лясах.