Суркі (Marmota), сысуны, прадстаўнікі атраду грызуноў.
На Зямлі існуе 15 відаў суркоў, якія маюць агульнага продка. Прарадзіма суркоў — Амерыка. У той час як большасць жывёл рухалася з Еўразіі ў Амерыку, суркі з Амерыкі перабіраліся ў Азію. Розныя віды абасобіліся ў розных геаграфічных зонах і адрозніваюцца асаблівасцямі паводзін, але захавалі знешнюю падобнасць, неабходнасць упадаць у спячку і жыццё ў калоніях. Усе суркі траваядныя, жывуць у норах, маюць цёплае футра.