Супарт
Су́парт (англ.: support, ад лат. supporto — падтрымліваю) — рухомы вузел металарэзнага або дрэваапрацоўчага станка, прызначаны для мацавання і перамяшчэння рэзальных інструментаў адносна апрацоўваемых дэталяў.
Паводле віду апрацоўкі супарты: такарныя, шліфавальныя і інш.
Паводле тыпу мацавання інструментаў: разцовыя, рэвальверныя (на супарце мацуецца рэвальверная галоўка).
Паводле месцазнаходжання на станку: пярэднія, верхнія і інш.
Паводле напрамку руху: падоўжныя, папярочныя, вагаючыеся, універсальныя.
Якасць і жорсткасць супарта ў значнай меры вызначае дакладнасць станка.
Літаратура
- Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 271. — 552 с. — 10 000 экз. — ISBN 985-11-0251-2 (Т. 15).
Спасылкі
- Суппорт (руск.) — артыкул з Вялікай савецкай энцыклапедыі
Катэгорыя·Дэталі машын і механізмаў
Катэгорыя·Старонкі з нелікавымі аргументамі formatnum