Стэфан Курч (? — 1702) — дзяржаўны дзеяч Вялікага Княства Літоўскага.
Лідскі войскі з 1650 і падкаморы з 1665, берасцейскі кашталян з 1668 і ваявода з 1672; маршалак Трыбунала Вялікага Княства Літоўскага ў 1677.
Належаў да групоўкі Сапегаў.
Валодаў маёнткамі Плужаны і Валеўка (збудаваў там дамініканскі кляштар і ўніяцкую царкву) у Новагародскім ваяводстве.
Сын Станіслава і Дароты Пуцяты, унук дорпацкага ваяводы Марціна Курча.
Жанаты з Янай Петранелай Сапегай, дачкой віленскага кашталяна Мікалая Сапегі.
Пакінуў дзяцей Яна, Францішка, Тэадору і Соф’ю.