Стаўрыды[1] (Trachurus) — род марскіх драпежных рыб з сямейства стаўрыдавых (Carangidae) атрада акунепадобных.
Лацінская назва роду паходзіць ад грэчаскіх слоў trachys - «грубы», і oura - «хвост».
Цела рыбы падоўжанае, верацянападобнае. Даўжыня ў сярэднім каля 30 сантыметраў, але можа дасягаць 70, канчаецца тонкім хваставым сцяблом і шырока раздвоеным хваставым плаўніком. Два спінныя плаўнікі. На падхваставым плаўніку ёсць два вострыя прамяні. Вага ў сярэднім каля 300 грам, але можа дасягаць больш за 1 кілаграм. Луска дробная, на бакавой лініі знаходзяцца касцяныя пласцінкі з шыпамі, якія абараняюць рыбу ад драпежнікаў.