Спаравікі́, апікомплексы (Sporozoa, Apicomplexa) — тып (або клас) прасцейшых. Пашыраны паўсюдна.
Мікраскапічныя аднаклетачныя арганізмы. Поласцевыя або ўнутрыклетачныя паразіты жывёл і чалавека. Жывяцца асматычным шляхам. Жыццёвы цыкл характарызуецца чаргаваннем бясполага размнажэння (шызаганія), палавога працэсу (гаметаганія) і спарангіі (спорагенез) і зменай гаспадароў. Узбуджальнікі малярыі, какцыдыёзаў, таксаплазмозу.