Се́ткавы пратако́л — набор правіл, які дазваляе ажыццяўляць злучэнне і абмен дадзенымі паміж двума і больш далучанымі да сеткі прыладамі.
Розныя пратаколы часцяком апісваюць толькі розныя бакі аднаго тыпу сувязі; узятыя разам, яны ўтвараюць стэк пратаколаў. Назовы «пратакол» і «стэк пратаколаў» таксама паказваюць на праграмнае забеспячэнне, якім рэалізуецца пратакол.
Новыя пратаколы для Інтэрнэта вызначаюцца IETF, а іншыя пратаколы — IEEE ці ISO. ITU-T займаецца тэлекамунікацыйнымі пратаколамі і фарматамі.
Найболей распаўсюджанай сістэмай класіфікацыі сеткавых пратаколаў з’яўляецца так званая мадэль OSI, у адпаведнасці з якой пратаколы галінуюцца на 7 узроўняў па сваім прызначэнні — ад фізічнага (фармаванне і распазнанне электрычных ці іншых сігналаў) да прыкладнога (API для перадачы інфармацыі прыкладаннямі).