Свірэ́павы алей — тлусты алей, атрымліваемы з насення свірэпіцы.
Свірэпавы алей мае зеленавата-буры колер. Паўвысыхальны алей. Утрымлівае ў сабе 31—47 % па масе трыгліцэрыдаў ненасычанай эрукавай кіслаты. Шчыльнасць 918 кг/м³. Застывае пры тэмпературы −8 °С. Не раствараецца ў вадзе, этаноле і метаноле.
Выкарыстоўваецца ў вытворчасці пакосту, алкідных смол і мыла, складнік змазачных матэрыялаў. Рафінаваны свірэпавы алей — харчовы прадукт.