Святаполк II (славацк.: Svätopluk, чэшск.: Svatopluk) — правіцель Нітранскага княства ў 894—906 гадах, змагаўся за кантроль над усёй Вялікай Маравіяй.
Святаполк II быў другім сынам Святаполка I, князя Вялікай Маравіі. Пасля смерці Святаполка I у 894 годзе новым князем Вялікай Маравіі стаў яго старэйшы сын Моймір II, а Святаполк II атрымаў у валадарынне Нітранскае княства, якое было яе часткай. У 898 годзе Святаполк паўстаў супраць свайго брата і паспрабаваў захапіць уладу над усёй Вялікай Маравіяй. Канфлікт дасягнуў апагею ўзімку 898—899 гадоў, калі ў яго ўмяшаліся баварцы. Моймір II перамог баварцаў і ўзяў у палон Святаполка II, але баварцы здолелі вызваліць яго і даставіць ва Усходне-Франскае каралеўства.
Святаполк II вярнуўся ў Нітранскае княства ў 901 годзе. Ён, імаверней за ўсё, загінуў у 906 годзе, ваюючы супраць венграў.
Тэмы гэтай старонкі (6):